Viambishi na mofimu

Mofimu ni kipashio kidogo kabisa chenye maana katika neno.

Mfano: a-li-m-pik-i-a (alimpikia)

• a-: nafsi ya tatu, umoja (kiambishi kiima)
• -li-: wakati uliopita
• -m-: mtendewa (kiambishi kipozi)
• pik-: mzizi
• -i-: kauli ya kutendea
• -a: kiishio

Aina za viambishi

• Viambishi awali: kabla ya mzizi (nafsi, ngeli, wakati, kirejeshi).
• Viambishi tamati: baada ya mzizi (kauli, kiishio).

Mofimu huru na tegemezi

• Huru: hujitosheleza, kwa mfano baba, kuku, sana.
• Tegemezi: haijitoshelezi, kama viambishi a-, -li-.